मुंबई-गोवा महामार्गावरील कशेडी बोगद्यातून एप्रिल अखेरपर्यंत दुतर्फा वाहतूक सुरू होणार

मुंबई-गोवा महामार्गावरील कशेडी बोगद्यातून मुंबईहून गोव्याच्या दिशेने जाणारी एकेरी वाहतूक खुली झाल्याने चाकरमान्यांचा प्रवास सुसाट झाला. दरम्यान बोगद्यालगतच्या पोलादपूर हद्दीतील भोगावनजिक पुलाच्या उभारणीचे काम युद्धपातळीवर सुरू आहे. बोगद्यातील अंतर्गत कामेदेखील अंतिम टप्प्यात आली आहेत. एप्रिल अखेरपासून कशेडी बोगद्यातून दुतर्फा वाहतूक सुरू होईल, असे संकेत राष्ट्रीय महामार्ग बांधकाम विभागाचे अभियंता पंकज गोसावी यांनी मंगळवारी दिले. यामुळे प्रवास आणखी सुसाट अन वेगवान होणार आहे.भोगावनजिक पुलाच्या उभारणीचे काम युद्धपातळीवर सुरू असुन हे काम देखील येत्या १५ दिवसातच पूर्ण होईल. यामुळे एप्रिलअखेरपासून कशेडी बोगद्यातून दुतर्फा वाहतूक सुरू होणार आहे. कशेडी बोगदा दुतर्फा वाहतुकीसाठी खुला झाल्यास मुंबईहून गोव्याकडे व गोव्याहून मुंबईकडे बोगद्यातून प्रवास करताना अवघ्या ७ मिनिटातच अंतर पार करणे शक्य होणार आहे. यामुळे प्रवास तितकाच वेगवान अन आरामदायी होणार असून वाहनचालकांच्या वेळेचीही बचत होणार आहे. www.konkantoday.com