प्रियांका हंगारे यांच्या संशोधनास पेटंट

सावर्डे येथील गोविंदराव निकम कॉलेज ऑफ फार्मसी महाविद्यालयातील प्राध्यापिका प्रियांका हंगारे (शिर्के) यांनी पॉलिमेरिक मायसेल ऑफ इझेटिमिब हे औषध तयार केले. हे संशोधन उच्च दाब रूग्णांसाठी संजीवनी ठरणार आहे. त्यांचे हे संशोधन भारत सरकारच्या पेटंट कार्यालयाकडून प्रकाशित करण्यात आले आहे.
सध्या कोलेस्ट्रॉलची समस्या झपाट्याने वाढत असुन अनेक लोक त्याला बळी पडत आहेत. कोलेस्ट्रॉल हा एक मेणासारखा चिकट पदार्थ आहे. जो रक्तवाहिन्यांमध्ये जमा होतो. त्याची पातळी वाढल्याने रक्तवाहिन्यांमध्ये अडथळा निर्माण होवू शकतो. तसेच यामुळे रक्तप्रवाह थांबू शकतो. आणि हृदयविकाराचा धोका वाढू शकतो. कोलेस्ट्रॉल वाढण्यामागे जेनेटिक, खराब जीवनशैली, अनहेल्दी डाएट यासारखी अनेक कारणे असू शकतात. यावर इझेटिमिब हे मार्केटमध्ये नवीन गुणकारी औषध आहे. परंतु त्याची विद्राव्यता कमी आहे म्हणून इझेटिमिब पॉलिमेरिक मायसेल बनवून त्याची विद्राव्यता वाढवली आहे. त्यामुळे सदरचे संशोधन हे औषधनिर्माण शाखेतील एक अत्यंत महत्वाचे कार्य असून उच्च रक्तदाब रूग्णांसाठी संजीवनी ठरू शकते. www.konkantoday.com