संगमेश्वर तालुक्यातील देवरुख नजीकच्या आंबव येथेविहिरीत बिबट्या मृता अवस्थेत सापडल्याची घटना

__संगमेश्वर तालुक्यातील देवरुख नजीकच्या आंबव येथे दि.२७ मार्च रोजी गणपत दौलत जोशी यांचे आंबा-काजू बागेमध्ये असलेल्या विहिरीत बिबट्या मृता अवस्थेत सापडल्याची घटना घडली आहे.गावचे पोलीस पाटील प्रकाश पांचाळ, यांनी दुरध्वनीव्दारे बिबट्या विहिरीमध्ये पडला असल्याची माहिती वन विभागाला दिली. बिबट्या विहिरीत पडल्याची माहिती मिळतात वनविभागाचे वन्यप्राणी बचाव पथक तात्काळ घटनास्थळी दाखल झाले. बचाव पथकामधील अधिकारी व कर्मचारी यांनी प्रत्यक्ष घटनास्थळाची पाहणी केली असता विहीरीमध्ये बिबट्या मृत अवस्थेत असल्याचे दिसून आले. ही विहीर प्रकाश पांचाळ यांच्या आंबा-काजूच्या बागेमध्ये असून ती १० फूट व्यास, ३ फुट कठडा असलेली, २५ फूट खोल असून सदरची विहिर जांभा चिराने बांधकाम केलेली आहे. या विहीरीमध्ये ग्रामस्थांच्या मदतीने लाकडी शिडी विहीरीत सोडल्यानंतर खाली उतरुन दोरीचा फास टाकून बिबट्याला अलगत फासामध्ये अडकवून बाहेर घेण्यात आले.www.konkantoday.com