महाराष्ट्र राज्याचे प्रवेश नियामक प्राधिकरण चे अध्यक्ष जे.पी. डांगे यांची मत्स्य महाविद्यालयाला सदिच्छा भेट

महाराष्ट्र राज्याचे प्रवेश नियामक प्राधिकरण चे अध्यक्ष आणि राज्याचे माजी मुख्य सचिव श्री. जे. पी. डांगे यांनी नुकतीच रत्नागिरी शिरगाव येथील बाळासाहेब सावंत कोकण कृषी विद्यापीठाच्या मत्स्य विद्यालयाला सदिच्छा भेट दिली. यावेळी मत्स्य महाविद्यालयाचे सहयोगी अधिष्ठाता डॉक्टर सुधाकर इंदुलकर यांनी त्यांचे स्वागत केले. मत्स्य महाविद्यालयात देशाच्या सर्व राज्यातील विद्यार्थी आणि आचार्य अभ्यासक्रमाच्या शिक्षणासाठी येतात हे जाणून त्यांनी आनंद व्यक्त केला. श्री डांगे यांनी यावेळी मत्स्य महाविद्यालयाच्या पदवी आणि पदव्युत्तर अभ्यासक्रमाच्या प्रवेश प्रक्रियेबद्दल माहिती विस्तृतपणे जाणून घेतली व महाविद्यालयाची प्रवेश प्रक्रिया ही पारदर्शक असून त्याबद्दल त्यांनी समाधान व्यक्त केले. मत्स्य महाविद्यालयाचे सहयोगी अधिष्ठाता डॉक्टर इंदुलकर यांनी श्री. डांगे यांना शैक्षणिक संशोधन विस्तार शिक्षण आणि सामाजिक वाटचाली बद्दलची सविस्तर माहिती दिली यावेळी अभ्यासक्रम समन्वयक डॉक्टर दबीर पठाण उपस्थित होते.www.konkantoday.com