चिमुरडीवर लैंगिक अत्याचार केल्याप्रकरणी अतिरिक्त सत्र न्यायालयाने आरोपीला २० वर्ष सश्रम करावासाची शिक्षा ठोठावली

__चिमुरडीवर लैंगिक अत्याचार केल्याप्रकरणी अतिरिक्त सत्र न्यायालयाने आरोपीला २० वर्ष सश्रम कारावास आणि १० हजार रुपये दंड आणि दंड न भरल्यास सहा महिने साध्या कारावासाची शिक्षा आज (दि.२२) ठोठावली. सुरेश नारायण कुंबेटे उर्फ चकण्या बाबू (रा. भौजाळी, ता. दापोली, जि. रत्नागिरी) अशी शिक्षा झालेल्या आरोपीचे नाव आहे.दापोली तालुक्यातील मौजे भौजाळी येथे १६ जुलै २०२० रोजी आरोपी सुरेश याने पीडित अल्पवयीन बालिकेला चॉकलेटचे आमिष दाखवून स्वतःचे घरी घेवून गेला. त्यानंतर तिच्यावर लैंगिक अत्याचार केले. या प्रकरणी दापोली पोलीस ठाण्यात गुन्हा दाखल झाला होता. त्याच्या विरोधात खेड न्यायालयात खटला सुरू होता. या प्रकरणी सरकार पक्षातर्फे एकूण १४ साक्षीदार तपासून परिस्थितीजन्य पुरावे कोर्टासमोर सादर करण्यात आले.www.konkantoday.com