![](https://konkantoday.com/wp-content/uploads/2024/03/n5918218181710557951158159406fa5ef1e06fbcbca81b769158c3592344df9a80c67596824df88fd5b8e7-780x470.jpg)
राज्यातील सर्व शाळांमध्ये शिक्षकांसाठी ड्रेस कोड लागू होणार,
राज्य सरकारने महाराष्ट्रातील सर्व शाळांच्यादृष्टीने एक महत्त्वपूर्ण निर्णय घेतला आहे. त्यानुसार आता राज्यातील प्रत्येक शाळेत ड्रोस कोड लागू होणार आहे. त्यामुळे शाळेत आता शिक्षकांना टी-शर्ट किंवा जीन्स पँट परिधान करता येणार नाही.सर्व व्यवस्थापनांच्या शाळांमधील पुरूष व महिला शिक्षकांना शाळा निश्चित करेल अशा रंगाच्या ड्रेसकोडचे पालन करणे बंधनकारक असेल. राज्याचे शालेय शिक्षणमंत्री दीपक केसरकर यांनी शुक्रवारी याबाबतची घोषणा केली.
राज्यातील शाळांमध्ये ड्रेसकोड लागू झाल्यानंतर शिक्षकांना त्यांच्या मनाप्रमाणे कोणतेही कपडे घालता येणार नाहीत. शाळेतील सर्व शिक्षकांना व्यवस्थापनाने निश्चित केलेले कपडे परिधान करावे लागतील. महिला शिक्षकांना साडी अथवा सलवार-चुडीदार, कुर्ता,दुपट्टा असा पेहराव असावा. तर पुरूष शिक्षकांना शर्ट-ट्राउझर पँट घालावी लागेल. शर्ट इन असावा तसेच गडद रंगाचे व चित्रविचित्र नक्षीकाम किंवा चित्रे असलेले पेहराव घालू नयेत.तसेच शिक्षकांनी जीन्स टी-शर्टचा वापर शाळेमध्ये करू नये या मार्गदर्शक सूचनाही देण्यात आल्या आहेत.
www.konkantoday.com