राजापूर येथील कशेळी येथे समुद्रात मच्छिमारीसाठी गेलेला खलाशी बेपत्ता

राजापूर येथील कशेळी येथे समुद्रात मच्छिमारीसाठी गेलेला खलाशी बेपत्ता राजापूर येथील कशेळी येथे समुद्रात मच्छिमारीसाठी गेलेला खलाशी बेपत्ता झाल्याचा प्रकार समोर आला आहे. नायाब हसन धालवेलकर (३२, रा. साखरीनाटे, ता. राजापूर) असे बेपत्ता झालेल्याचे नाव आहे. १३ डिसेंबर २०२३ पासून नायाब हा बेपत्ता असून त्याच्याबाबत कुणाला माहिती असल्यास पोलिसांशी संपर्क साधावा, असे आवाहन पोलिसांकडून करण्यात आले आहेे. पोलिसांनी दिलेल्या माहितीनुसार नायाब हा मच्छिमारी बोटीवर खलाशाचे काम करतो. १३ डिसेंबर २०२३ रोजी तो मच्छिमारीसाठी मच्छिमार बोटीवर गेला होता. रात्रीच्या सुमारास तो इतर खलाशांबरोबर झोपी गेला होता. मात्र सकाळी तो बेपत्ता झाल्याचे निदर्शनास आले. त्याने अंगात सिल्वर रंगाचे फुल शर्ट, पायात पिवळ्या रंगाची पॅन्ट परिधान केली आहे. त्याच्याबाबत कुणाला काही माहिती असल्यास नाटे सागरी पोलीस ठाण्याशी संपर्क साधावा, असे आवाहन पोलिसांनी केले आहे. www.konkantoday.com