*चिपळुणात खाजगी क्लासेसच्या शिक्षकाला मारहाण*

__चिपळूण शहरातील एका क्लासेसच्या शिक्षकाला काही तरूणांनी मारहाण केल्याची खळबळजनक घटना मंगळवारी घडली. हा सर्व प्रकार पोलीस स्थानकात येताच मारहाण करणारे तरूण यावेळी पसार झाले. या घटनेच्या पार्श्‍वभूमीवर क्लासेसच्या शिक्षकांच्या बाजूने पालकवर्ग एकवटले आहेत. या प्रकरणी त्या शिक्षकाने पोलीस स्थानकात अर्ज दिल्याची माहिती पुढे येत आहे.क्लासेसमध्ये शिकणार्‍या एका मुलीने शिक्षकाने आपल्याला स्पर्श केल्याची ओरड करत आपल्या मित्राला बोलावले. यानंतर त्या मित्राने त्याच्या काही मित्रांना घेवून येत त्या शिक्षकाला गुडघ्यावर बसून कान धरायला लावले. शिवाय मारहाण करून शिवीगाळही केली. हे तरूण एवढ्यावरच थांबले नाहीत तर या मारहाणीचा व शिवीगाळीचा व्हिडिओ केला.www.konkantoday.com