*आठवडा बाजार ते घुडेवठार सर्व प्रकारच्या वाहनांना आज प्रवेश बंद*

*रत्नागिरी, दि. 5 (जिमाका) : वाहतुक कोंडी टाळण्याकरिता व कोणताही अनुचित प्रकार घडू नये याकरिता 5 फेब्रुवारी रोजी आठवडा बाजार ते घुडेवठार दरम्यान सर्व प्रकारच्या वाहनांना प्रवेश बंद करण्यात यावा, असे आदेश जिल्हादंडाधिकारी एम देवेंदर सिंह यांनी काल रात्री काढले. आदेशात म्हटले आहे, माजी मुख्यमंत्री व शिवसेना प्रमुख उध्दव ठाकरे 5 फेब्रुवारी रोजी जिल्हा दौऱ्या दरम्यान शिवसेना जिल्हा कार्यालयासमोरील रोडवर संवाद कार्यक्रम होणार असून, या कार्यक्रमाकरिता मोठ्या प्रमाणात गर्दी होण्याची शक्यता आहे. त्यामुळे घुडेवठार व पाटीलवाडी रोडकडून आठवडा बाजार चौकाकडे येणाऱ्या वाहनांमुळे गर्दी होवून आठवडा बाजार रोड कडून विक्रम जैन यांच्या घराकडे जाणाऱ्या रोडवर अतिमहत्वाच्या व्यक्तींच्या वाहनांचा ताफा थांबणार असल्याने या ठिकाणावरुन इतर वाहने सोडल्यास गर्दी होवून कायदा व सुव्यवस्थेचा प्रश्न निर्माण होवू शकतो. घुडेवठार व पाटीलवाडीकडून आठवडा बाजार चौकाकडून येणाऱ्या वाहनांना तसेच आठवडा बाजार रोडकडून विक्रम जैन यांच्या घराकडे जाणाऱ्या रोड इतर वाहनांना प्रवेश बंद करण्याबाबत व तसेच रस्त्यास पर्यायी मार्ग म्हणून तेलीआळी नाका ते जुने वाहतूक शाखा कार्यालय ते गुढे वठार असा मार्ग उपलब्ध आहे. वाहतूक कोंडी टाळण्याकरिता व कोणताही अनुचित प्रकार घडू नये याकरिता 5 फेब्रुवारी रोजी आठवडा बाजार ते घुडेवठार दरम्यान सर्व प्रकारच्या वाहनांना प्रवेश बंद करण्यात यावा. वाहतुकीची कोंडी व कोणताही अनुचित प्रकार घडू नये याकरिता योग्य नियोजन करण्यात यावे. वाहतूक नियमनाबाबत जनतेस माहिती मिळावी यादृष्टीने मोटार वाहन अधिनियम 1988 कलम 116 प्रमाणे वाहतुकीची चिन्हे उभारण्याची कार्यवाही पोलीस विभागाने करावयाची आहे, असेही आदेशात नमूद आहे.www.konkantoday.com