’16 नोव्हेंबरलाच मी मंत्रिपदाचा राजीनामा दिलाय, ओबीसींसाठी शेवटपर्यंत लढणार’ : एल्गार मेळाव्यात छगन भुजबळांचा गौप्यस्फोट
मराठा समाजाला आरक्षण देताना ओबीसींच्या आरक्षणाला धक्का लावू नका अशी मागणी छगन भुजबळ यांच्याकडून सातत्याने करण्यात येत आहे.
मराठा आणरक्षणाचा मुद्दा तापलेला असताना छगन भुजबळ हे ओबीसी एल्गार मेळावे घेत होते. यावरुन भुजबळ आणि मनोज जरांगे पाटील यांच्यात शाब्दिक युद्ध रंगताना दिसून आले. मात्र, राज्य सरकारने मराठा आरक्षणाच्या संदर्भात अधिसूचना काढली. यानंतर ओबीसी समाजातील नेत्यांनी पुन्हा एकत्र येत एल्गार मेळाव्याची घोषणा केली. त्यानुसार, 3 फेब्रुवारी 2024 रोजी अहमनदनगरमध्ये ओबीसींचा एल्गार मेळावा पार पडला. या एल्गार मेळाव्यात भाषण करताना छगन भुजबळ यांनी मोठा गौप्यस्फोट केला आहे.
छगन भुजबळ म्हणाले, “मी भाषण करतो म्हणून विरोधी पक्षातील नेते, सरकारमधील काही लोक म्हणतात छगन भुजबळ तुम्ही राजीनमामा द्या. तुम्हाला पटत नाही तर राजीनामा द्या. सरकारमध्ये राहतात आणि टीका करततात मग राजीनामा द्या. हिंमत असेल तर राजीनामा द्या. काल-परवा आणखी एक बडबडला… त्याने सांगितलं, या भुजबळला लाथ घालून मंत्रिमंडळाच्या बाहेर हाकला…. मला त्या सर्वांना… विरोधी पक्षातील नेत्यांना, सरकारमधील सर्वांना सांगायचं आहे की, 17 नोव्हेंबरला ओबीसी एल्गारची पहिली सभा अंबडला झाली. 16 नोव्हेंबरला मी मंत्रिमंडळाचा राजीनामा दिला. 16 नोव्हेंबरला मंत्रिपदाचा राजीनामा दिला आणि मग अंबडच्या सभेला निघून गेलो.”
ओबीसींसाठी शेवटपर्यंत लढणार
छगन भुजबळ पुढे म्हणाले, “अडीच महिने मी शांत बसलो का तर… मुख्यमंत्री, उपमुख्यमंत्री म्हणाले वाच्चता नको… पण वर्तमानपत्रातून बातम्या येऊ लागल्या. कोण म्हणतं राजीनामा दिला, कोण म्हणतं राजीनामा द्या, कोण म्हणतं लाथा घाला… काही गरज नाही लाथा घालण्याची… दिलेला आहे राजीनामा जा त्याना सांगा…. मी ओबीसींसाठी शेवटपर्यंत लढणार आहे.’
“हे म्हणतात बजेटमधून आम्हाला आरक्षण द्या”
आता नुकताच देशाचा अर्थसंकल्प मांडण्यात आला. उपोषण करणारे साहेब म्हणतात, बजेटमधून आम्हाला आरक्षण मिळालं तर बघा… मला वाईट वाटलं. सीतारामन ताईंनी पूर्ण बजेट वाचलं पण आरक्षणाबाबत काही बोलल्याच नाही आणि हे म्हणतात बजेटमधून आम्हाला आरक्षण द्या. मला कीव येते मराठा समाजाच्या नेत्यांची, मराठा समाजातील विचारवंतांची.. हा कसला तुमचा नेता जो बजेटमधून आरक्षण देता येईल का बघा… अरे कुणाच्या मागे चालले आहेत तुम्ही? आम्ही सांगतो आमचं आरक्षण कमी करू नका त्यांना वेगळं आरक्षण द्या.. ही आमची मागणी चूक आहे का?
www.konkantoday.com
