- _रत्नागिरीतील जिद्दी माऊंटेनिअरिंग जिल्हा असोसिएशनच्या १२ ट्रेकर्सनी १२५०० फूट उंचीवरील हिमालय पर्वतरांगातील केदारकंठ शिखर जिद्द माऊंटेनीअर्सचे प्रमुख अरविंद नवेले यांच्या उत्तम मार्गदर्शनाखाली जिद्दीच्या जोरावर यशस्वीपणे पूर्ण केले.रत्नागिरीसारख्या छोट्याशा शहरातील बारा ट्रेकर्सनी २० ते २९ जानेवारी असा प्रवास करत प्रत्यक्षात केदारकंठ शिखराचावरचा तीन दिवसांचा ट्रेकिंगचा थरारक अनुभव घेतला. या प्रवासादरम्यान ट्रेन बसच्या प्रवासाबरोबरच देहरादून ते संकरी गाव असा टेम्पो ट्रॅव्हल्सने केलेला प्रवास हवामानाशी जुळवून घेण्यास मदतीचा ठरला. देशभरातील १४ कंपन्यांचे २०० ट्रेकर्स या ट्रेकींगमध्ये सहभागी झाले होते. www.konkantoday.com
