मुंबई-गोवा महामार्गावरील रायगड जिल्ह्यातील महाड* *तालुक्यातील दासगाव येथे**अपघातात तरूणीचा उपचारादरम्यान मृत्यू*

*_मुंबई-गोवा महामार्गावरील रायगड जिल्ह्यातील महाड तालुक्यातील दासगाव हद्दीतील निसर्ग हॉटेलसमोर रविवारी सकाळी १०.३० च्या सुमारास दुचाकी व एसटी बस यांच्यात समोरासमोर झालेल्या अपघातात दुचाकीवरील बहिणीचा मृत्यू झाला. छाया शंकर हिळम (रा. टोळ) असे मृत बहिणीचे नाव आहे. तिचा भाऊही जखमी झाला.दोघेही बहिण-भाऊ एमएच ०६/ए.एक्स. ३२१४ क्र. च्या दुचाकीवरून महाड ते टोळ असा प्रवास करीत होते. दासगावनजिक गोरेगाव ते महाड जाणार्‍या एम.एच. ०७/सी ७४५४ क्रमांकाच्या एसटी बसला दुचाकीने समोरासमोर धडक दिली. अपघातातील दोन्ही जखमींना महाड ग्रामीण रूग्णालयात उपचारासाठी दाखल करण्यात आले असता उपचारादरम्यान छाया हिलमचा मृत्यू झाला. जखमी नितेश हिलमला अधिक उपचारासाठी माणगाव शासकीय रूग्णालयात दाखल करण्यात आले. www.konkantoday.com