गुहागर तालुक्यातील**वेळंब पांगरीत चारचाकी वाहनाला अपघात*.

_गुहागर तालुक्यातील वेळंब पांगरी येथे एम.एच. ०४ ई  एक्स ४५९१ या चारचाकी वाहनाचा गणपतीपुळे येथून गुहागरकडे  येताना अपघात झाला. या अपघातात चालकासह दोन महिला किरकोळ जखमी झाल्या असून त्यांच्यावर शृंगारतळी येथे खासगी रूग्णालयात उपचार करण्यात आले. दरम्यान गुहागर पंचायत समितीच्या कर्मचार्‍यांनी मदतीसाठी तत्परता दाखवून माणुसकीचे दर्शन घडवले.मुंबई येथून गुहागरला पर्यटनासाठी आले होते. तत्पूर्वी ते गणपतीपुळे येथून श्रींचे दर्शन घेवून गुहागरला आबलोली मार्गे येत असताना सुरळ पुलाच्या पुढच्या बाजूला वाकणात वेळंब पांगरी येथे हे चारचाकी वाहन रस्ता सोडून टेलिफोनच्या उभ्या असणार्‍या पोलवर धडकले आणि कार बांधावरून पुढे जावून झाडीत अडकली. खालच्या बाजूला खोल नदीपात्र असल्याने सुदैवाने झाडीतच अडकल्याने मोठा अनर्थ टळला. www.konkantoday.com