कोकरे महाराज काळजी करू नका, कोणीही इकडे शेठ फेट आपल्यासमोर चालत नाही. सगळ्यांचे गेट बंद..-माजी खासदार निलेश राणे यांची शिवसेना आमदार भास्कर जाधव यांच्यावर टीका

भाजपाचे युवा नेते माजी खासदार निलेश राणे यांनी खेड तालुक्यातील लोटे येथील भगवान महाराज कोकरे यांच्या गोशाळेच्या विषयावरून ठाकरे गटाचे नेते आमदार भास्कर जाधव यांना टीकेचं लक्ष केले आहे. कोकरे महाराज काळजी करू नका, कोणीही इकडे शेठ फेट आपल्यासमोर चालत नाही. सगळ्यांचे गेट बंद..सोडणार नाही.. असे सांगत निलेश राणे यांनी भास्कर जाधव यांना सुनावले आहे. खेड तालुक्यात लोटे येथे भगवान कोकरे महाराज यांच्या राष्ट्रीय गोशाळेच्या कार्यक्रम प्रसंगी ते बोलत होते.राणे पुढे म्हणाले की, कोकरे महाराज तुम्ही काळजी करू नका, असे सांगत देवाची कृपा होती अचानकपणे हे माझ्याकडे आले. वारकरी संप्रदाय मोठ्या प्रमाणात आहे. या सगळ्या वारकरी संप्रदायाला मी एकत्र करतो, असे मला सांगितले. एका मोठ्या वारकरी संप्रदायाच्या एका कार्यक्रमाला मला इथे बोलावलं कधी एक रुपयाची मागणी केली नाही या माणसाने ,अशा शब्दात गोशाळा चालक कोकरे महाराज यांचे त्यांनी कौतुक केलं. भगवान कोकरे महाराज गोसेवा करत आहेत. त्यांना नाही मदत करायची तर कोणाला करायची असा सवाल त्यांनी उपस्थित केला.
,www.konkantoday.com