पद्मश्री दादा इदाते यांना जगज्योती बसवेश्वरा यांच्या नावाने ‘बसवा राष्ट्रीय पुरस्कार

पद्मश्री दादा इदाते यांना जगज्योती बसवेश्वरा यांच्या नावाने ‘बसवा राष्ट्रीय पुरस्कार (2020-2021)’ प्रदान करण्यात येत आहे.

भटक्या विमुक्त जाती जमातीमध्ये सामाजिक सुधारणा, परिवर्तन आणि सामाजिक न्याय यातील त्यांच्या योगदानासाठी हा पुरस्कार प्रदान करण्यात येत आहे.राष्ट्रीय बसवा पुरस्कार’ हा कर्नाटक सरकारतर्फे दिला जाणारा एक प्रतिष्ठित पुरस्कार आहे. 10 लाख रुपये, स्मृतीचिन्ह, मानपत्र, शाल आणि पुष्पहार असे या पुरस्काराचे स्वरूप आहे.

कर्नाटकचे मुख्यमंत्री सिद्धारमैया यांच्या हस्ते 31.01.2024 रोजी सायंकाळी 6.00 वाजता रविद्र कलाक्षेत्र, जे.सी. रोड, बंगळुरू, कर्नाटक येथे आयोजित ‘विविधता प्रशंसा समारंभ’ कार्यक्रमात ‘बसवा राष्ट्रीय पुरस्कार’ प्रदान केला जाणार आहे. या कार्यक्रमात मागासवर्गीय कल्याण आणि कन्नड आणि सांस्कृतिक विभागाचे मंत्री आणि इतर मान्यवर सहभागी होणार आहेत. दादा इदातेंचं सर्वत्र कौतुक व अभिनंदन होत आहे.
www.konkantoday.com