कोकण टुडेच्या पर्यटन दिनदर्शिकेचे उद्योजक किरण उर्फ भैय्या सामंत यांच्या हस्ते प्रकाशन

कोकण टुडेच्यावतीने यावर्षी काढण्यात आलेल्या पर्यटन दिनदर्शिकेचे प्रकाशन महाराष्ट्र क्रिकेट असोसिएशनचे उपाध्यक्ष व रत्न सिंधू योजनेचे सदस्य उद्योजक किरण उर्फ भैय्या सामंत यांचे हस्ते त्यांच्या वाढदिवशी करण्यात आले.
कोकण टुडेच्यावतीने दरवर्षी कोकणातील पर्यटन स्थळांवर आधारित दिनदर्शिका प्रसिद्ध केली जाते. या आधी कोकणातील पर्यटन स्थळांची ड्रोनमधून काढलेल्या छायाचित्रांची दिनदर्शिका, कोकणात आढळून आलेल्या कातळ शिल्पावर आधारित दिनदर्शिका तर कोकणातील कलाकाराने रेखाटलेली कोकणातील पर्यटनस्थळांची कॅनव्हासवर रेखाटलेली चित्रे असलेली दिनदर्शिका प्रसिद्ध करण्यात आल्या होत्या.
या वर्षी रत्नागिरीतील प्रसिद्ध हौशी छायाचित्रकार सिद्धेश वैद्य यांनी टिपलेल्या रत्नागिरी परिसरातील छायाचित्रे असलेली आकर्षक दिनदर्शिका प्रसिद्ध करण्यात आली आहे.
या दिनदर्शिकेचे नुकतेच किरण सामंत यांचे हस्ते प्रकाशन झाले. त्यावेळी कोकण टुडेचे संपादक सुदेश शेट्ये, प्रणित शेट्ये, अनिल गावडे आदी जण उपस्थित होते. www.konkantoday.com