आधी शिवसेना कोणाची? व्हीप कोणाचा? नंतर आमदार अपात्रतेवर निकाल; वाचनास सुरुवात

राज्याच्या दृष्टीने महत्वाचा असलेला आमदार अपात्रतेवरील निकाल वाचनाला थोड्याच वेळापूर्वी सुरुवात झाली आहे. विधानसभा अध्यक्ष राहुल नार्वेकर यांनी याच्या वाचनास सुरुवात करताना निकालाचे स्वरुप कसे असेल यावर माहिती दिली आहे.सुरुवातीला शिवसेना कोणाची? व्हीप कोणाचा यावर निकाल देण्यात येणार असून नंतर आमदार अपात्रतेवर निकाल जाहीर करण्यात येईल असे नार्वेकर म्हणाले.

नार्वेकर यांनी सर्वोच्च न्यायालय, दोन्ही बाजुचे वकील आणि विधानसभा अधिकाऱ्यांचे आभार मानले. आज सायंकाळी साडेचार वाजता निकाल वाचन केले जाणार होते. साऱ्या राज्याच्या नजरा निकालाकडे लागल्या होत्या. परंतु पाऊन तास उशिराने अध्यक्षांनी निकाल देण्यास सुरुवात केली. तसेच निकालाची प्रत सर्वांना दिली जाणार असल्याचेही नार्वेकरांनी स्पष्ट केले.
www.konkantoday.com