जगबुडी नदीपात्रात आढळले मृत मासे, मासे मृत्यूमुखी पडण्याचे कारण गुलदस्त्यात

खेड शहरातून बारमाही वाहणार्‍या जगबुडी नदीपात्रातील मटण-मच्छी मार्केटनजिक मंगळवारी सायंकाळच्या सुमारास मृत मासे आढळल्याने एकच खळबळ उडाली आहे.
ही बाब जागरूक नागरिकांनी प्रशासनाच्या निदर्शनास आणून दिल्यानंतर यंत्रणा घटनास्थळी पोहोचल्या. मासे मृत्यूमुखी पडण्याचे नेमके कारण समजू शकले नाही. मात्र या प्रकाराने नदीकाठच्या रहिवाशांमध्ये भीतीचे वातावरण पसरले आहे. जगबुडी नदीपात्रात सर्रासपणे टाकल्या जाणार्‍या कचर्‍यामुळे मासे मृत्यूमुखी पडले असावेत, असा तर्क लढवण्यात येत आहे.

www.konkantoday.com