दिवाळीत एसटीची भाडेवाढ; प्रतितिकीट ५० ते १५० रुपयांची दरवाढ

दिवाळीच्या काळात एसटीने प्रवास करणाऱ्या प्रवाशांची संख्या वाढत असल्याने गर्दीच्या काळात एसटी महामंडळाकडून दिवाळी हंगाम काळासाठी तिकीट दरात सर्वच मार्गांतील गाडीवर १० टक्के वाढ केली आहे.त्यामुळे प्रवाशांना जवळच्या प्रवासासाठी सुमारे ५० रुपये, तर १०० ते १५० रुपये लांबपल्ल्याच्या गाड्यांना जादा भाडे द्यावे लागणार आहे. ही दरवाढ मंगळवारी मध्यरात्रीपासून लागू हाेणार आहे. ८ ते २७ नोव्हेंबर या काळात परिवर्तनशील भाडे आकारणी केली आहे. यामध्ये साधी, जलद, निमआराम, शिवशाही या गाड्यांसाठी दरवाढ करण्यात आली आहे, असे एसटी महामंडळाकडून सांगण्यात आले आहे.
www.konkantoday.com