कोकण रेल्वे मार्गावर ३१ आक्टोबरला विन्हेरे – चिपळूण विभागात दुपारी १२ ते ३ वाजेपर्यंत मेगाब्लॉक
कोकण रेल्वे मार्गावरील विन्हेरे – चिपळूण आणि मडुरे – मडगाव जंक्शन दरम्यान मालमत्तेच्या देखभालीसाठी रेल्वे प्रशासनातर्फे मेगा ब्लॉक घेतला जाणार आहे. तीन तास मेगा ब्लॉक घेण्यााचा निर्णय प्रशासनातर्फे घेण्यात आला आहे.रेल्वे प्रशासनाकडून मिळालेल्या माहितीनुसार, ३१ आक्टोबरला विन्हेरे – चिपळूण विभागात दुपारी १२ ते ३ वाजेपर्यंत मेगाब्लॉक असेल. यामुळे या मार्गावरील काही रेल्वे गाड्यांच्या सेवेवर परिणाम होणार आहे. यात गाडी क्र. ०२१९७ कोईम्बतूर ते जबलपूर विशेष प्रवास ३० आक्टोबर मडगाव जंक्शन दरम्यान ९० मिनिटांसाठी नियमित केला जाईल.
तसेच गाडी क्र. १०१०६ सावंतवाडी रोड ते दिवा एक्स्प्रेसचा प्रवास चिपळूण स्टेशन दरम्यान ९० मिनिटांसाठी नियमित केला जाईल. मडुरे – मडगाव विभागात मंगळावारी (ता.३१) दुपारी १.२० ते सायंकाळी ४.२० पर्यंत मेगा ब्लॉक आहे.
यामुळे गाडी क्र. १२०५१ मुंबई सीएसएमटी ते मडगाव जनशताब्दी एक्स्प्रेसचा प्रवास रत्नागिरी – सावंतवाडी रोड स्थानकादरम्यान ८० मिनिटांसाठी नियमित केला जाईल. गाडी क्र. २२११९ मुंबई सीएसएमटी – मडगाव तेजस एक्स्प्रेसचा प्रवास रत्नागिरी ते सावंतवाडी रोड स्थानकादरम्यान ६० मिनिटांसाठी नियमित केला जाईल.गाडी क्र. १२६१८ निजामुद्दीन ते एर्नाकुलम मंगला एक्स्प्रेस प्रवास कणकवली स्थानकावर २० मिनिटांसाठी नियमित केला जाईल. गाडी क्र. २१४९ एर्नाकुलम जंक्शन ते पुणे एक्स्प्रेस प्रवास कारवार ते मडगाव जंक्शन स्टेशन दरम्यान ५५ मिनिटांसाठी नियमित केला जाईल, असे रेल्वे प्रशासनाने कळविले आहे.
www.konkantoday.com