मिस भारत स्पर्धेत देवरुखची सानिका श्रीकांत प्रसादे विजेती
गोवा येथे नुकतीच पार पडलेल्या मिस भारत स्पर्धेत येथील सानिका श्रीकांत प्रसादे हि विजेती ठरली आहे. स्पर्धेत एकूण 32 स्पर्धक सहभागी झाले होते. तीन फेऱ्यांतून हि विजेती निवडण्यात आली.याशिवाय तिला उत्कृष्ट व्यक्तिमत्व, ब्रॅंड ॲंबेसिडॉर ऑफ मिस भारत हा किताबही देण्यात आला. या स्पर्धेत सानिकाने महाराष्ट्राचे प्रतिनिधित्व केले.
सानिका ही वाणिज्य शाखेतून पदवीधर असून ती सध्या मुंबईत फॅशन डिझाईनर म्हणून कार्यरत आहे. फॅशन सोबतच ती मार्शल आर्ट तायक्वांदो खेळाडू असून ती तायक्वांदो नॅशनल रेफ्री आणि द्वितीय डॅन ब्लॅक बेल्ट ही आहे गेल्या वर्षीचा बेस्ट नॅशनल रेफ्रीचा अवॉर्ड तिने मिळवलेला आहे.मिस भारत या अवार्ड बद्दल सानिकाचे देवरुख आणि संगमेश्वर परिसरातुन विशेष अभिनंदन करण्यात येत आहे.
www.konkantoday.com
