डॉ. बाळासाहेब सावंत कोकण कृषी विद्यापीठाच्या प्रक्षेत्रावर उभे राहणार पेट्रोल पंप

डॉ. बाळासाहेब सावंत कोकण कृषि विद्यापीठ व हिंदुस्थान पेट्रोलियम कॉर्पोरेशन लिमिटेड यांच्यामध्ये दापोली आणि विद्यापीठाच्या कार्यक्षेत्रातील विविध संशोधन केंद्रांवर पेट्रोलपंप उभारणे संदर्भात नुकताच सामंजस्य करार झाला. विद्यापीठाचे कुलगुरू डॉ. संजय भावे आणि हिंदुस्थान पेट्रोलियमचे सिनिअर रिजनल मॅनेजर कोकण विभाग प्रिन्स जिंदाल यांनी सामंजस्य करारावर सह्या केल्या.
यावेळी हिंदुस्थान पेट्रोलियम लिमिटेड यांच्यावतीने रोहित कटियार सहाय्यक विक्री व्यवस्थापक, रत्नागिरी आणि आंतर श्रीमुखे तसेच विद्यापीठाच्या वतीने संशोधन संचालक डॉ. पी. ई. शिनगारे, उपसंचालक संशोधन डॉ. संजय तोरणे, कुलसचिव डॉ. प्रदीप हळदवणेर, विद्यापीठ अभियंता निनाद कुलकर्णी आदी उपस्थित होते. लवकरच विद्यापीठाच्या कार्यक्षेत्रातील रत्नागिरी, सिंधुदुर्ग, रायगड, ठाणे जिल्ह्यातील १० ठिकाणी पेट्रोलपंप उभारण्यात येणार असून त्यातून शुद्ध स्वरूपात पेट्रोल व डिझेल लोकांना मिळेल अशी आशा कुलगुरू डॉ. संजय भावे यांनी व्यक्त केली तसेच त्यामधून मिळालेल्या नफ्यातून विद्यापीठाच्या महसुलामध्ये वाढ होईल असे सांगितले. www.konkantoday.com