राजकीय वादात नळपाणी पाणीपट्टी दरवाढीत भरडल्या जाणाऱ्या कुवारबाव वासियांना नामदार उदय सामंत यांनी न्याय देण्याची मागणी
रत्नागिरीः कुवारबाव ग्रामपंचायतीने नळपाणी पाणीपट्टी बिलात भरमसाठ वाढ केली असून आता ही दरवाढ कुणी केली यावरुन राजकीय आरोप प्रत्यारोप सुरू झाले आहेत या प्रकरणाला आता पक्षीय व राजकीय स्वरूप प्राप्त झाले असून भाजपतर्फे आंदाेलनाचा इशारा तर शिवसेनेच्या वतीने भाजपच्याच सरपंचानी दरवाढीचे पाप केल्याचे आरोप होत आहेत या सर्वांमध्ये कुवारबाव ग्रामस्थ भरडून निघत आहेत आज रत्नागिरीच्या दौर्यावर आलेले नामदार उदय सामंत यांनी कुवारबाव ग्रामपंचायतींच्या सदस्यांबरोबर सायंकाळी विकासकामांबाबत बैठक बोलावली आहे यामध्ये नामदार सामंत या दरवाढीबाबत मार्ग काढून ग्रामस्थांना न्याय देणार का ?याकडे कुवारबाव वासियांचे लक्ष लागले आहे
रत्नागिरीजवळील कुवारबाव ग्रामपंचायतीत शिवसेनेचा पराभव करून स्थानिक आघाडी निवडून येऊन त्याठिकाणी सरपंच म्हणन सौ मंजिरी पाडळकर यांची निवड झाली होती त्यानंतर आघाडीत बिघाडी होऊन सध्या आघाडीकडे सरपंचांसह फक्त चार सदस्य असल्याचे सांगण्यात येत आहे कुवारबाव ग्रामपंचायतीला एमआयडीसीकडून पाणीपुरवठा होत असून पाणी योजनेचे २६ लाख थकीत असल्याचे कारण देऊन कुवारबाव ग्रामपंचायतीने पाणीपट्टीत भरमसाट वाढ केली ज्या नळ ग्राहकांचे बिल पूर्वी चारशे रुपये येत होते ते बिल आता नवीन दरवाढीप्रमाणे बाराशे रुपये येऊ लागले त्यामुळे त्याला स्थानिकांनी ग्रामस्थांनी विरोध केल्यानंतर या दरवाढीवरून आरोप प्रत्यारोप सुरू झाले आहेत या दरवाढीविरोधात भाजपने आंदोलनाचा इशारा दिला आहे तर शिवसेनेने सरपंच भाजपचाच असल्याने दरवाढ त्यांनी केल्याचे व व दरवाढीचे पाप त्यांचेच असल्याचे जाहीर केले आहे याउलट भाजपचे सरपंचांनी दरवाढ मागे घेण्यास आम्ही तयार आहोत व बहुमत शिवसेनेचे असल्याने त्याला सदस्यांनी पाठिंबा द्यावा असे पत्रकार परिषदेत जाहीर केले होते दरवाढीचा विषय हा आता राजकीय झाला असून प्रतिष्ठेचा बनविला गेल्याने सामान्य कुवारबाव वासीय नळ ग्राहक मात्र या मोठ्या प्रमाणावर झालेल्या दरवाढीत भरडून निघणार आहेत नामदार उदय सामंत हे आज कुवारबाव ग्रामपंचायतीच्या सदस्यांशी विकासकामांबाबत चर्चा करणार आहेत त्यावेळी त्यांनी या नळपाणी बिलाच्या दरवाढीच्या प्रश्नात लक्ष घालून ही दरवाढ कमी करून कुवारबाव ग्रामस्थांना दिलासा द्यावा अशी अपेक्षा व्यक्त होत आहे
www.konkantoday.com
