खुद्द राष्ट्रवादीचे जिल्हाध्यक्ष बाबाजी जाधव यांनी नेमणुकीचे लेखी दिलेले पत्र तेव्हा चालले मग आता का नाही ?
-निलेश भोसले हेच रत्नागिरी शहर जिल्हा राष्ट्रवादीचे अध्यक्ष असल्याचे अध्यक्षांचे स्पष्टीकरण
रत्नागिरी शहर राष्ट्रवादी कॉंग्रेसचे अध्यक्ष म्हणून निलेश भोसले यांची खुद्द राष्ट्रवादीचे जिल्हाध्यक्ष बाबाजी जाधव यांनी २०१९ मध्ये नेमणूक केली असताना आता राष्ट्रवादीचे ज्येष्ठ नेते बशीर मुर्तुझा यांनी शहर राष्ट्रवादीचे याआधीचे शहर अध्यक्ष मनु गुरव हेच अद्यापही शहर अध्यक्ष असल्याचे नुकतेच वक्तव्य केले होते. काही दिवसांपूर्वी झालेल्या पत्रकार परिषदेत देखील जिल्हाध्यक्ष बाबाजी जाधव यांनी रत्नागिरी शहर अध्यक्ष म्हणून निलेश नंदकिशोर भोसले असल्याचे जाहीररित्या म्हटले होते. असे असताना आता निलेश नंदकिशोर भोसले यांची शहर अध्यक्ष म्हणून झालेली नेमणूक राष्ट्रवादीच्या काही लोकांकडून नाकारली जात आहे. त्यामुळे जिल्हाध्यक्षांनी निलेश भोसले यांच्या नेमणुकीचे दिलेल्या पत्राबाबतच राष्ट्रवादीच्या नेत्यांकडून शंका उपस्थित केली जात असल्याबद्दल आश्‍चर्य व्यक्त करण्यात येत आहे.
२०१९ च्या विधानसभा निवडणुकीत राष्ट्रवादीकडून रत्नागिरी विधानसभा मतदारसंघासाठी राष्ट्रवादीचे ज्येष्ठ नगरसेवक सुदेश मयेकर यांनी विधानसभा निवडणूक लढविली होती. यावेळी राष्ट्रवादीत असलेले तसेच पक्षाचे प्रभारी असलेले आमदार भास्कर जाधव यांच्या उपस्थितीत निलेश भोसले यांना शहर अध्यक्षपदाची जबाबदारी देण्यात आली होती. १४.३.१०१९ च्या पत्रानुसार निलेश भोसले यांना जिल्हा राष्ट्रवादीचे अध्यक्ष बाबाजी जाधव यांनी एक लेखी नेमणुकीचे पत्र दिले होते. या पत्रात त्यांनी असे म्हटले होते की, आपली रत्नागिरी तालुका शहर अध्यक्षपदी नेमणूक करण्यात आली आहे. त्याबद्दल आपले अभिनंदन व आपल्या कारकिर्दीस शुभेच्छा. तसेच पक्षाचे आदरणीय नेते अजितदादा पवार साहेब, राज्याचे अध्यक्ष जयंतरावजी पाटील, राष्ट्रीय सरचिटणीस मा. सुनीलजी तटकरे व जिल्ह्याचे प्रभारी आ. भास्कर जाधव यांच्या नेतृत्वाखाली सर्व सहकार्‍यांना बरोबर घेवून संघटना मजबुत करण्याचे काम करावयाचे आहे असे त्यांनी पत्रात म्हटले होते. त्या पत्रावर अध्यक्ष म्हणून बाबाजी जाधव यांची सही आहे.
हे नेमणुकीचे पत्र चिपळूण येथे भास्करराव जाधव यांच्या उपस्थितीत निलेश भोसले यांना देण्यात आले. त्यावेळी त्यांचे बाजूला पक्षाचे ज्येष्ठ नेते बशीरभाई मुर्तुझा, कुमार शेट्ये, सुदेश मयेकर, रामभाऊ गराटे, यशवंत डोर्लेकर, सनीफ गवाणकर, सईद पावसकर, सुरेश पेडणेकर आदीजण उपस्थित होते. त्यानंतर नुकत्याच काही दिवसांपूर्वी रत्नागिरी शहरात पार पडलेल्या पत्रकार परिषदेतही जिल्हाध्यक्ष बाबाजी जाधव यांच्याशी दूरध्वनीवरून संपर्क साधला असता त्यांनीही निलेश भोसले हेच शहर राष्ट्रवादीचे अध्यक्ष असल्याचे स्पष्ट केले होते. असे असताना आता पक्षाचे ज्येष्ठ नेते बशीर मुर्तुझा यांनी नुकत्याच दिलेल्या मुलाखतीत राष्ट्रवादीच्या रेकॉर्डमध्ये अजूनही मनु गुरवच शहर अध्यक्ष असल्याचे म्हटले होते. मग आता असा प्रश्‍न निर्माण होतो की राष्ट्रवादीचे जिल्हाध्यक्ष यांनी नेमणुकीचे दिलेले पत्र असताना देखील व त्यांनी स्पष्टपणे दूरध्वनीद्वारे दिलेली निलेश भोसले यांच्या शहर अध्यक्षपदाबाबत केलेले स्पष्टीकरणाचा अर्थ काय होतो? तसेच भोसले यांना विरोध करावयाचा आहे म्हणूनच काहीजणांकडून अशा प्रकारे वक्तव्य केले जात असल्याची शक्यता राष्ट्रवादीच्या गटात व्यक्त केली जात आहे. www.konkantoday.com
राष्ट्रवादी काँग्रेस पार्टीचे जिल्हाध्यक्ष यांचा व्हीडिओ👇🏻
