रेल्वे प्रवाशांना सुविधा उपलब्ध, राजापूर पोस्ट ऑफिसमध्ये रेल्वे आरक्षण सेवा

*रत्नागिरी, – राजापूर पोस्ट ऑफिस येथे रेल्वे आरक्षण सेवा ग्राहकांसाठी सुरु करण्यात आली असून, या सेवेचा लाभ घ्यावा, असे आवाहन डाकघर अधीक्षक एन.टी. कुरळपकर यांनी केले आहे.
भारतीय डाक विभागाकडून ९ ते १५ ऑक्टोबर या कालावधीमध्ये
राष्ट्रीय टपाल सप्ताहाचे आयोजन करण्यात आले असून, याचे औचित्य साधून रेल्वे तिकीट आरक्षण सुविधेचे उद्घाटन करण्यात आले. राजापूर तालुक्यातील व इतर जवळच्या भागातील रेल्वे प्रवाशांसाठी
आरक्षण सुविधा दिनांक १३ ऑक्टोबरपासून राजापूर पोस्ट ऑफिस येथे सुरु करण्यात आली असून, या अगोदर जिल्ह्यात रत्नागिरी हेड ऑफिस, लांजा, संगमेश्वर या पोस्ट ऑफिसमध्ये भारतीय रेल्वे व भारतीय डाक विभाग यांच्या संयुक्त सहकार्याने ही सुविधा उपलब्ध करून देण्यात आली आहे. याचा लाभ मोठ्या संख्येने ग्राहक घेत आहेत.
रेल्वे तिकीट आरक्षण सुविधा राजापूर पोस्ट ऑफिस मार्फत मिळावी अशी मागणी स्थानिक रहिवासी, विद्यार्थी, नोकरदार व लोक प्रतिनिधी यांच्याकडून होत होती. ही सेवा पोस्ट विभागाच्या पुढाकाराने सुरु झाल्याने नागरिकांमध्ये समाधान व्यक्त होत आहे.
www.konkantoday.com