सावंतवाडी पोलिस ठाण्याचा सहाय्यक पोलिस निरिक्षक सागर खंडागळे याला रायगड येथील लाच लुचपत विभागाच्या पथकाने लाच घेताना रंगेहात पकडले

फ्लॅट संदर्भातील फसवणुकीच्या गुन्ह्यात अडकलेल्या बिल्डरकडून तडजोड करण्यासाठी एक लाखाची लाच घेतल्याप्रकरणी सावंतवाडी पोलिस ठाण्याचा सहाय्यक पोलिस निरिक्षक सागर खंडागळे याला रायगड येथील लाच लुचपत विभागाच्या पथकाने रंगेहात ताब्यात घेतले.कारवाई आज सायंकाळी ६ वाजून २२ मिनीटांच्या सुमारास चक्क सावंतवाडी पोलीस ठाण्यातच करण्यात आली. याबाबतची तक्रार बिल्डर सिद्धांत परब यांनी केली होती.
सावंतवाडी पोलीस ठाण्यात याबाबतची कारवाई सुरु असून गुन्हा दाखल झाल्यानंतर त्यांना स्थानिक लाचलुचपत विभागाकडे सुपूर्द करण्यात येणार असल्याची माहिती ठाणे लाचलूचपत विभागाचे पोलीस निरीक्षक रणजित गलांडे यांनी दिली.
सदरची कारवाई ठाणे लाचलुचपत विभागाचे पोलीस अधीक्षक सुनिल लोखंडे व उपअधिक्षक अनिल गेर्डीकर यांच्या मार्गदर्शनाखाली रायगड लाचलूचपत विभागाचे पोलीस निरीक्षक रणजित गलांडे, सहा. पोलीस निरीक्षक विनोद जाधव, हवालदार महेश पाटील, कौस्तुभ मगर, विवेक खंडागळे, पोलिस नाईक सचिन आटपाटकर आदींच्या पथकाने केली.
याबाबतची तक्रार बिल्डर सिद्धांत परब यांनी संबंधित अधिकाऱ्यांविरोधात ८ ऑक्टोबर रोजी ठाणे लाचलूचपत विभागाकडे तक्रार दाखल केली होती.
www.konkantoday.com