कोकण मर्कंटाइलच्या पिग्मी एजंटने लावला 20 लाखाचा चुना

रत्नागिरी येथील कोकण मर्कंटाईल को ऑप.बँकेत पिग्मी एजंट म्हणून काम करणाऱ्याने 182 नागरिकांकडून पैसे उकळून तब्बल वीस लाख रुपयांचा चुना लावण्याची घटना घडली आहे
पिग्मी एजंटने खोटी कागदपत्रे तयार करुन 182 नागरिकांकडून पैसे उकळून त्यांची तब्बल 20 लाख रुपयांची फसवणूक केली.याप्रकरणी एकाविरोधात शहर पोलिस ठाण्यात गुन्हा दाखल करण्यात आला असून ही घटना 3 मार्च 2018 ते 21 ऑगस्ट 2023 या कालावधीत घडली आहे.प्रदिप नारायण कोतवडेकर (53,रा.बेलबाग,रत्नागिरी) असे गुन्हा दाखल करण्यात आलेल्या संशयिताचे नाव आहे.त्याच्याविरोधात सय्यद मोहम्मद इलीयास हुसैन (51,रा.उद्यमनगर,रत्नागिरी) यांनी शहर पोलिस ठाण्यात तक्रार दिली आहे.त्यानुसार,संशयित प्रदिप कोतवडेकर हा रत्नागिरी येथील कोकण मर्कंटाईल को ऑप.बँकेत पिग्मी एजंट म्हणून काम करतो.त्याने खोटी कागदपत्रे तयार करत 182 जणांकडून 3 मार्च 2018 ते 23 ऑगस्ट 2023 या 5 वर्षांच्या कालावधीत पिग्मीचे तब्बल 19 लाख 89 हजार 410 रुपये पैसे जमा केले. ते पैसे बँकेत न भरता आपल्या फायद्यासाठी वापरुन त्याने या सर्वांची फसवणूक केल्याप्रकरणी त्याच्या विरोधात गुन्हा दाखल करण्यात आला आहे.
,www.konkantoday.com