मुंबईच्या जुहू समुद्रकिनाऱ्यावर गणपती विसर्जनासाठी तैनात असलेल्या एका तरुणावर वीज पडल्याची दुर्घटना

मुंबईतील चौपाटीचा परिसर आज गर्दीने फुलून गेला आहे. बाप्पाच्या विसर्जनाला पावसानेही हजेरी लावली आहे. मुंबईतील अनेक भागांत विजेच्या कडकडाटासह पावसाने हजेरी लावली आहे.मुंबईत विसर्जनाच्या दिवशीच एक दुर्घटना घडली आहे. मुंबईच्या जुहू समुद्रकिनाऱ्यावर गणपती विसर्जनासाठी तैनात असलेल्या एका तरुणावर वीज पडल्याची दुर्घटना घडली आहे. या तरुणाचा कूपर रुग्णालयात मृत्यू झाला आहे.
तरुणावर वीज कोसळल्याची घटना घडल्यानंतर त्याला लगेचच रुग्णवाहिकेतून विले पार्लेयेथील कूपर रुग्णालयात उपचारांसाठी दाखल केले होती. मात्र तरुणाची प्रकृती गंभीर असल्याने उपचार सुरू असतानाच त्याचा मृत्यू झाल्याची माहिती मिळतेय. या तरुणाला विसर्जनासाठी जुहू चौपाटीवर आज तैनात करण्यात आले होते. दुपारपासून मुंबईत मुसळधार पावसाला सुरूवात झाल्यानंतर वीज कोसळल्याची घटना घडल्याचे सांगण्यात येतेय..
www.konkantoday.com