पोषण आहारासाठीच्या निकृष्ट दर्जाच्या धान्याचा साठा सापडूनही,पोषण आहाराचे धान्य तपासणारी यंत्रणाच नसल्याने ठेकेदार मोकाट

चिपळूण पाठोपाठ रत्नागिरी एमआयडीसीतील गोदामात पोषण आहारासाठीच्या निकृष्ट दर्जाच्या धान्याचा साठा सापडला आहे. पोषण आहारासाठीच्या धान्याचा दर्जा तपासून घेणारी स्वतंत्र यंत्रणा जिल्ह्यात कार्यरत नसल्याने ठेकेदारांसह सर्व संबंधितांना मोकळे रान मिळाले आहे.
अंगणवाड्यामधील विद्यार्थी, गरोदर महिला यांना देण्यात येणार्‍या धान्याचा दर्जा तपासून पाहण्यासाठी अद्यापही स्वतंत्र यंत्रणेची व्यवस्था करण्यात आलेली नाही. पॅकींग फोडल्यानंतर धान्याचा दर्जा तपासून पाहिला जातो. निकृष्ट दर्जाचे धान्य असल्यास ते परत पाठविले जाते. अन्न व औषध प्रशासनाकडून निकृष्ट दर्जाच्या धान्याची तपासणी करण्यात येणार असल्याचे जाहीर करण्यात आले. प्रत्यक्षात याचा अहवाल येण्यास नेमका किती महिन्याचा कालावधी लागेल याचे स्पष्टीकरण अद्यापही करण्यात आलेले नाही.
www.konkantoday.com