दापोली तालुक्यातून विद्यार्थ्याचे अपहरण झाल्याची तक्रार

दापोली पोलिसांनी दिलेल्या माहितीनुसार, बुधवार दिनांक १३ सप्टेंबर रोजी सकाळी साडेनऊ वाजण्याच्या सुमारास टाळसुरे बौद्धवाडी येथील यश रुपेश खैरे ( वय १४) हा नववीत शिकणारा मुलगा न्यू इंग्लिश स्कूल टाळसुरे शाळेमध्ये जाण्यासाठी घरातून निघाला. मात्र तो शाळेत गेलाच नाही. त्याचा दिवसभर कोठेही थांगपत्ता लागला नाही. पालकांनी नातेवाइकांकडे व गावात शोधाशोध केली मात्र आढळून आला नाही. अखेर सायंकाळी यश याची आई गीता खैरे यांनी दापोली पोलीस ठाण्यात आपल्या मुलाला कोणीतरी फुस लावून मुलाचे अपहरण केल्याची तक्रार दाखल केली.
www.konkantoday.com