गणपती स्पेशलने कोकण रेल्वे मार्गावरील तब्बल १४ रेल्वेगाड्यांचे वेळापत्रक बिघडले

अवघ्या चार दिवसांवर येवून ठेपलेल्या गणेशोत्सवासाठी चाकरमान्यांची गावी येण्याची लगबग सुरू झाली आहे. नियमित गाड्यांसह गणपती स्पेशल गुरूवारपासून विक्रमी गर्दीने धावत आहेत. गणपती स्पेशल गाड्यांचा ताण वाढल्याने गुरूवारी कोकण रेल्वेमार्ग ब्लॉक झाला. तब्बल १४ रेल्वेगाड्यांचे वेळापत्रक बिघडल्याने प्रवाशांच्या पदरी तासनतास रखडपट्टीचा प्रवास पडला.
गणेशोत्सवासाठी मध्य, कोकण व पश्‍चिम रेल्वेने जाहीर केलेल्या गणपती स्पेशलसह दिवा-रत्नागिरी, दिवा-चिपळूण अनारक्षित मेमू स्पेशल बुधवारपासून कोकण मार्गावर धावू लागल्या आहेत. www.konkantoday.com