रेल्वेप्रवासादरम्यान महिलेच्या बॅगमधील सोन्याचे तब्बल 1 लाख 70 हजारांचे दागिने चोरट्याने चोरुन नेले
रेल्वेप्रवासादरम्यान महिलेच्या बॅगमधील सोन्याचे तब्बल 1 लाख 70 हजारांचे दागिने चोरुन नेले. चोरीची ही घटना मंगळवार 12 ऑगस्ट रोजी सकाळी 8.10 वा.सुमारास रत्नागिरी रेल्वेस्टेशनवर घडली.सुदलै वादिक अनंता पेरुमाल कोनर (34, रा.चेंबुर ईस्ट, मुंबई) यांनी याबाबत शहर पोलिस ठाण्यात तक्रार दिली आहे. त्यानुसार, 12 ऑगस्ट रोजी त्या जामनगर एक्सप्रेसमध्ये झोपून प्रवास करत होत्या. त्यांची रेल्वे रत्नागिरी रल्वेस्टेशनवर आली असता त्यांना जाग आली. तेव्हा त्यांना आपल्या लोअर सीटखाली ठेवलेल्या बॅगमधील सोन्याची चेन आणि पेन्डन्ट असा ऐवज चोरीला गेल्याचे लक्षात आले. याप्रकरणी अधिक तपास शहर पोलिस करत आहेत.
