ए .डी.नाईक हायस्कूल चा उमंग फेस्ट उद्घाटन सोहळा

आयडियल एज्युकेशन अँड वेल्फेअर सोसायटी संचलित अजीजा दाऊद नाईक हायस्कूल मध्ये उमंग फेस्ट 2023 च्या कार्यक्रमाचे उद्घाटन मोठ्या थाटामाटात पार पडले.
     या कार्यक्रमाच्या उद्घाटनासाठी प्रमुख पाहुणे म्हणून सन्मा. श्री नासिरभाई वाघू - अध्यक्ष पर्शियन नेट मच्छीमार रत्नागिरी तालुका मालक असोसिएशन, डायरेक्टर ऑफ वाघू रिअल इस्टेट, वाघू कन्स्ट्रक्शन, निहाल एंटरप्राइजेस, रत्नागिरी ट्रान्सपोर्ट, समाजसेवक, परोपकारी अशा महान व्यक्तीची उपस्थिती लाभली.त्यांनी या प्रसंगी बोलताना विद्यार्थ्यांच्या उज्ज्वल भविष्याची प्रार्थना केली व आशीर्वाद दिले.                
     त्याचबरोबर प्रसिद्ध उद्योजक सन्मा. श्री महामुद काझी व सन्मा. श्री मुजफ्फर मुकादम यांचीही प्रमुख उपस्थिती लाभली आणि त्यामुळेच या आजच्या कार्यक्रमाला शोभा आली व अविस्मरणीय असे महत्त्व प्राप्त झाले.   
  मेजर ध्यानचंद यांच्या जन्म तिथीचे औचित्य साधून दिनांक २९ व ३० ऑगस्ट २०२३ या दोन दिवशी  प्रशालेमध्ये बुद्धिबळ, स्किपिंग, व्हॉलीबॉल, बास्केटबॉल, गोळा फेक इत्यादी. खेळांचे , अनुलेखन, शुद्धलेखन, खेळूया शब्दांशी (लेखन नियमानुसार) या भाषिक स्पर्धांचे व स्पर्धा परीक्षांचे नियोजन, स्किल इंडिया अंतर्गत कोर्सेसची माहिती, सायबर सिक्योरिटी अवेअरनेस इत्यादी उपक्रमांचे यशस्वी रित्या आयोजन करण्यात आले.
 याप्रसंगी सन्माननीय मुख्याध्यापक श्री. समीर गडबडे, पर्यवेक्षिका श्रीम. रफिया लांबे, क्रीडा विभाग प्रमुख श्री.राजापकर व श्री. भैरेवाडी तसेच सर्व शिक्षक वृंद, शिक्षकेतर कर्मचारी व विद्यार्थी वर्ग उपस्थित होता.

www.konkantoday.com