चिपळुणात मद्यपान करून दुचाकी चालवणाऱ्याच्या मागे बसलेली महिला दुचाकीवरून पडल्याने जखमी

भरधाव वेगातील दुचाकीवरून पडून कविता आशिष राऊत (३५, कोळकेवाडी, ता. चिपळूण) ही महिला जखमी झाल्याची घटना बुधवारी खडपोली येथे घडली. या प्रकरणी दुचाकी चालकावर अलोरे-शिरगांव पोलीस ठाण्यात गुन्हा दाखल करण्यात आला आहे. विनय विजय तांदळे (३७, अलोरे) असे गुन्हा दाखल झालेल्याचे नाव आहे. पोलिसांनी दिलेल्या माहितीनुसार ८ ऑक्टोबर रोजी विनय तांदळे मद्यपान करून दुचाकी खडपोली ते अलोरे अशी चालवत होता. या दुचाकीच्या मागे कविता राऊत या बसल्या होत्या. खडपोली मारूती मंदिराजवळ स्पीड ब्रेकरवर विनय याची दुचाकी आपटून पाठिमागे बसलेल्या राऊत रस्त्यावर कोसळल्या. यात त्यांना दुखापत झाली.
www.konkantoday.com