खेडमध्ये कारला एसटी बसची धडक

खेड : खोपीहून खेडकडे जाणार्‍या एसटी बसने पाठीमागून कारला धडक दिली. हा अपघात खेड – खोपी मार्गावर शनिवारी दुपारी पावणे दोनच्या सुमारास झाला. खोपीहून खेडकडे जाणारी एस. टी. बस (क्रमांक- एम. एच.14- बीटी- 0277) ने तिसंगी येथून खेडकडे जाणार्‍या कारला (क्रमांक – एम.एच.08 – झेड – 9121) पाठीमागून जोरदार धडक दिली. या अपघातात कुणालाही गंभीर दुखापत झालेली नाही. मात्र, या अपघातात मोटारीचे नुकसान झाले . रात्री उशिरापर्यंत खेड पोलिस ठाण्यात नोंद झालेली नव्हती.