चिपळूण घोणसरे चिवेली फाटा येथे पट्टेरी वाघाचे कातडे बाळगल्याप्र्रकरणी तीनजण ताब्यात

घोणसरे चिवेली फाटा येथे काही व्यक्ती वन्यजीवी प्राण्यांचे कातडे चिपळूण येथे विक्रीकरीता घेवून येत आहेत अशी माहिती दहशतवादी विरोधी शाखेला मिळाली होती. त्यानंतर त्यांनी सहाय्यक वनरक्षक यांच्या मदतीने घोणसरे चिवेली फाटा येथे सापळा रचला. या ठिकाणी जवळच असलेल्या मैदानात तीन इसम संशयितरित्या वावरताना दिसल्याने त्यांची कसून तपासणी केली असता एका इसमाच्या सॅकमधून पट्टेरी वाघाचे कातडे आढळून आले. या प्रकरणी पोलिसांनी कारवाई करत तीन इसमाना वन्यजीव संरक्षण कायद्याखाली गुन्हा नोंदवून मुद्देमालासह ताब्यात घेतले. या वन्यजीवी प्राण्याची हत्या किंवा शिकार कोठे झाले आहे याबाबत आता चौकशी करण्यात येत आहे.
ही कारवाई पोलीस अधिक्षक धनंजय कुलकर्णी यांच्या मार्गदर्शनाखाली पो. उपनिरीक्षक विनायक नारवणे, सहा. पो. फौजदार श्री. गोरे, पो. हवालदार श्री. चांदणे, श्री. भुजबळराव, श्री. शेलार, श्री. गुरव, पो. कॉंस्टेबल मोरे, सहा. पो. फौजदार कदम, वनपरिमंडळ अधिकारी दौलत भोसले, सहा. वनसंरक्षक सचिन निखल आदींनी ही कामगिरी यशस्वी केली. अशा प्रकारच्या वन्यजीवी प्राण्यांची हत्या शिकार करताना दिसून आल्यास किंवा माहिती प्राप्त झाल्यास वरील पोलीस यंत्रणेशी संपर्क साधावा असे आवाहन जिल्हा पोलीस अधिक्षक धनंजय कुलकर्णी यांनी केले आहे. www.konkantoday.com