रत्नागिरी शहरातील मच्छिमार्केट रस्त्यावर आढळला प्रौढाचा मृतदेह

रत्नागिरी : शहरातील मच्छीमार्केट रस्त्यावर-खान कॉम्प्लेक्स येथील परिसरात पूर्णगड येथील प्रौढाचा मृतदेह आढळला. ही घटना सोमवारी २६ डिसेंबर रोजी सकाळी 11 वा. सुमारास निदर्शनास आली. पोलिसांना खबर मिळताच पोलिसांनी मृतदेह उत्तरीय तपासणीसाठी जिल्हा रुग्णालयात पाठवला.
सुनिल सोनू पावसकर ( ५७, पावसकरवाडी, पुर्णगड, रत्नागिरी) असे मृत्यू झालेल्या प्रौढाचे नाव आहे. सोमवारी सकाळी पावसकर हे खान कॉम्प्लेस येथे मयत स्थितीत मिळून आले. या प्रकरणी खान कॉम्प्लेक्स येथील नागरिक रमीज झारी यांनी शहर पोलिसांना खबर दिली. यावरुन पोलिसांनी मृतदेह उत्तरीय तपासणीसाठी रुग्णालयात आणला. शहर पोलिस ठाण्यात आकस्मिक मृत्यूची नोंद करण्यात आली आहे.