रत्नागिरीत ग्रामपंचायत मतदानाची मोजणी होणार सहा फेर्‍यांमध्ये, तालुक्यात झाले 64.34 टक्के मतदान
रत्नागिरी : तालुक्यातील 29 ग्रामपंचायतीपैकी 25 ग्रामपंचायतीसाठी 78 मतदान केंद्रावर रविवारी मतदान पार पडले. त्याच्या मतमोजणीला मंगळवारी सकाळी 10 वा. सामाजिक न्याय भवन येथे सुरुवात होणार आहे. एकूण सहा फेर्‍यांमध्ये ही मतमोजणी होणार आहे.
शहराजवळील डिमार्टसमोर असणार्‍या सामाजिक न्याय भवन येथे मतमोजणीला सकाळी 10 वाजल्यापासून सुरुवात होणार आहे. पहिल्याफेरीमध्ये कासारवेली, केळे, गणेशगुळे व गावडेआंबेरे, दुसर्‍या फेरीत गावडेआंबेरे, चांदोर, चाफेरी, जांभारी, टिके, तिसर्‍या फेरीत टिके, टेंभ्ये, तरवळ, तोणदे, धामणसे, चौथ्या फेरीत धामणसे, निवळी, निवेंडी, पिरंदवणे, पूर्णगड, फणसवळे, पाचव्या फेरीत फणसवळे, भगवतीनगर, मालगुंड, वळके, सहाव्या फेरीत वळके, विल्ये, वेतोशी व साठरे ग्रामपंचायतीची मतमोजणी होणार आहे.
प्रत्येक फेरीमध्ये चार ग्रामपंचायतींचा निर्णय लागणार आहे.
