जिल्ह्यातील 163 ग्रामपंचायत सदस्य, 155 सरपंचांसाठी आज मतदानाला प्रारंभ

रत्नागिरी : जिल्ह्यातील 222 ग्रामपंचायतीपैकी 163 ग्रामपंचायतीच्या सदस्यपदासाठी तर 155 सरपंचपदासाठी रविवारी जिल्ह्यात मतदान होत आहे. यासाठी 507 मतदान केंद्रे आहेत. यासाठी मतदान यंत्रांसह सर्व कर्मचारी शनिवारीच मतदान केंद्रांवर दाखल झाले.
जिल्ह्यात 222 ग्रामपंचायतीच्या निवडणुका जाहीर झाल्या होत्या. त्यातील तब्बल 67 सरपंच व 1100 सदस्य बिनविरोध निवडून आले. जिल्ह्यात 155 सरपंच तर 666 सदस्यपदांसाठी आता निवडणूक होत आहे. सरपंचपदासाठी 406 तर सदस्यपदांसाठी 1206 उमेदवार रिंगणात असून 507 मतदान सुरू आहे. शनिवारी सकाळपासून मतदान केंद्रावर नियुक्ती करण्यात आलेले कर्मचारी यंत्र ताब्यात घेऊन रवाना झाले.
ऑक्टोबर ते डिसेंबर या कालावधीत मुदत संपलेल्या ग्रामपंचायतींसाठी ही निवडणूक होत आहे. 20 डिसेंबर रोजी मतमोजणी होणार आहे. 1100 सदस्य बिनविरोध झाल्याने 494 प्रभागांमध्ये 666 सदस्यपदासाठी 1206 उमेदवार रिंगणात आहेत. रविवारी सायंकाळी 5.30 पर्यंत मतदानाची वेळ आहे