राजापूर-सोलगावमधील आंबा बागेतून नेपाळी कामगार बेपत्ता

राजापूर :  राजापूर तालुक्यातील सोलगाव येथील आंबा बागेत काम करणारा भागिराम बाबुराम चौधरी हा 45 वर्षीय  मूळचा नेपाळमधील कामगार 2 डिसेंबरपासून बेपत्ता असून राजापूर पोलिस ठाण्यात तशी नोंद करण्यात आली आहे. तालुक्यातील सोलगाव येथील बबन पावसकर यांच्या आंबा बागेत भागिराम बाबुराम चौधरी हा कामावर होता. दि. 2 डिसेंबरपासून तो बेपत्ता आहे. सुमारे 5 फुट 3 इंच त्याची उंची असून गोल चेहरा व सावळा रंग सडपातळ बांधा असे त्याचे वर्णन असून अशा वर्णनाची व्यक्ती कुठे आढळून आल्यास राजापूर पोलिस ठाण्यात किंवा या प्रकरणी तपास करीत असलेल्या महिला पोलीस हेड काँस्टेबल ए. ए. चव्हाण यांच्याशी मोबाईल क्रमांक 9421187265 वर संपर्क साधावा, असे आवाहन  करण्यात आले आहे.