स्थानिकांवर अन्याय कराल तर गाठ युवासेनेशी आहे,फायनान्स कंपनीला युवासेना जिल्हाधिकारी अजिंक्य मोरे यांचा इशारा

खेड : स्थानिक तरुणांना कोणतेही कारण न देता कामावरून कमी करणे, काहींची इतर ठिकाणी बदली करणे असा त्रास देणाऱ्या श्रीराम सिटी युनियन फायनान्स कंपनीच्या चिपळूण कार्यालयाला युवा सैनिकांनी टाळे ठोकत स्थानिकांवर अन्याय कराल तर गाठ युवा सेनेशी आहे असा इशारा दिला.
श्रीराम सिटी युनियन फायनान्स या कंपनीच्या चिपळूण कार्यालयात अनेक स्थानिक तरुण काम
करत आहेत. मात्र गेल्या काही महिन्यांपासून या कंपनीत काम करणाऱ्या स्थानिक तरूणांना कंपनी व्यवस्थापणाकडून काही ना काही कारणास्तव त्रास दिला जात आहे. या कार्यालयात काम करणाऱ्या काही तरूणांना कोणतेही कारण न देता कामावरुन कमी करण्यात आले आहे तर काही तरुणांची इतरत्र बदली करण्यात आली आहे.
कंपनी व्यवस्थापणाकडून स्थानिकांवर होत असलेल्या अन्यायाविरोधात युवा सेनेकडे आलेल्या तक्रारीनुसार युवा सेना जिल्हाधिकारी अजिंक्य मोरे यांच्या नेतृत्वाखाली आंदोलन छेडून कंपनीच्या चिपळूण कार्यालयाला टाळे ठोकण्यात आले. कंपनी व्यवस्थापनाकडून स्थानिकांवर होत असलेला अन्याय जो पर्यंत दूर होत नाही तो पर्यंत कार्यालय बंद ठेवावे अन्यथा गाठ युवा सेनेशी आहे असा इशारा युवा सेना जिल्हाधिकारी अरजिंक्य मोरे यांनी कंपनी व्यवस्थापनाला निवेदनाद्वारे दिला आहे.
यावेळी युवा सेना चिपळूण शहर अधिकारी निहार कोवळे, उपतालुकाधिकारी सौरभ चाळके, उपशहराधिकारी अभिजीत चौखले, विभाग अधिकारी प्रणव ननावरे यांच्यासह युवासैनिक उपस्थित होते.