बेदरकारपणे इनोव्हा चालवून दुचाकीला समोरून धडक

रत्नागिरी : बेदरकारपणे इनोव्हा गाडी चालवून दुचाकीला समोरून धडक देत अपघात केला. यात दोघे जखमी झाले आहेत. ही घटना गुरुवार 27 ऑक्टोबर रोजी दुपारी 11.30 वा. जांभूळफाटा येथे घडली. याप्रकरणी अज्ञात इनोव्हा चालकाविरोधात शहर पोलिस ठाण्यात गुन्हा दाखल करण्यात आला आहे. त्याच्याविरोधात आसिम अहमदमियाँ काझी (वय 32, रा. मजगाव, रत्नागिरी) याने तक्रार दिली आहे.
त्यानुसार, गुरुवारी दुपारी तो आपल्या ताब्यातील ज्युपिटरवरून आपला भाचा यासिर अब्बास जहीर मुकादमला सोबत घेऊन जात होता. तो जांभूळफाटा येथे आला असता समोरून येणार्‍या इनोव्हा (एमएच-08-3232) वरील चालकाने त्यांच्या दुचाकीला धडक दिली. या अपघातात दुचाकीवरील दोघांनाही दुखापत झाली आहे.