पाली येथे मोबाईल दुकान फोडून २ लाख ३६ हजार रुपयांचे मोबाईल पळविले

रत्नागिरी तालुक्यातील पाली येथील रेडजाई मोबाईल शॉपी या दुकानाचे शटर अज्ञात चोरट्याने वाकवून दुकानातील सुमारे २ लाख ३६ हजार रुपयांचे मोबाईल चोरून नेले. याबाबत कल्पेश खोचाडे यांनी ग्रामीण पोलीस स्थानकात फिर्याद दाखल केली आहे. फिर्यादी यांचे पाली बाजारपेठेत रेडजाई मोबाईल या गाळ्यात असलेल्या मोबाईल दुकानाचे शटर अज्ञात चोरट्याने वाकविले व दुकानात प्रवेश केला. दुकानाच्या शोकेसमधील ठेवलेले रेडमी, विवो, सॅमसंग, लावा, नोकीया आदी कंपन्यांचे ३७ मोबाईल व हातातील घड्याळे चोरट्यांनी चोरून नेली. सकाळी हा प्रकार उघड झाल्यावर याबाबत पाली पोलीस स्थानकात फिर्याद दाखल करण्यात आली आहे. www.konkantoday.com