12 जणांना चावणार्या कुत्र्याला देवरूखमध्ये पकडले
संगमेश्वर : तालुक्यातील साखरपा-कोंडगाव येथे पिसाळलेल्या श्वानाने 12 जणांना चावा घेऊन जखमी केल्याची घटना गुरुवारी घडली. हा कुत्रा काही तासांत 17 किलोमीटर अंतर कापत देवरूखमध्ये दाखल झाला. देवरुखातही त्याने अनेकांवर हल्ला केला. मात्र, शुक्रवारी सकाळी या कुत्र्याचा बंदोबस्त करण्यात देवरूख नगर पंचायतीचे कर्मचारी, स्थानिक नागरिक व राजू काकडे हेल्प अॅकॅडमीच्या कार्यकर्त्यांना यश आले आहे. शुक्रवारी कांजीवरा येथे या कुत्र्याचा बंदोबस्त करण्यात आला.
