राजीवडा येथे दाम्पत्याला शिवीगाळ करत मारहाण; चौघांवर गुन्हा

रत्नागिरी : राजीवडा येथे दाम्पत्याला शिवीगाळ करत मारहाण करत ठार मारण्याची धमकी दिल्याप्रकरणी चौघांवर शहर पोलिस ठाण्यात गुन्हा दाखल करण्यात आला आहे. अज्ञात कारणातून ही मारहाण झाली. ही घटना 27 ऑगस्ट रोजी सकाळी 9.30 वा. घडली. इरसाल भाटकर, वसीक भाटकर, जुबेदा भाटकर, रोजीना भाटकर (सर्व रा. राजीवडा, रत्नागिरी) अशी गुन्हा दाखल करण्यात आलेल्या संशयितांची नावे आहेत.  गफार अबीब पकाली (वय 55, रा. राजीवडा, रत्नागिरी) यांनी तक्रार दिली आहे.  27 ऑगस्ट रोजी सकाळी राजीवडा येथील दुकानात जात असताना त्याठिकाणी चौघांनी येऊन त्यांना तसेच त्यांची पत्नी रियाना पकाली या दोघांनाही मारहाण करत ठार माण्याची धमकी दिली. याप्रकरणी अधिक तपास सहायक पोलिस फौजदार राठोड करत आहेत.