दापोली-कोंढे येथे गोठ्यात मृतावस्थेत आढळला बिबट्या
दापोली : तालुक्यातील कोंढे येथे जनावरांच्या गोठ्यात एक मादी बिबट्याचा मृत्यू झाल्याची घटना दि. 21 रोजी आढळून आली आहे. याबाबत घटनास्थळी मिळालेल्या माहितीनुसार येथील तेलीवाडीतील एका शेतकर्‍याचा गोठा हा वाडीबाहेर जंगलात आहे. हा गोठा अनेक वर्ष बंद आहे. या बंद गोठ्यात येथील एका ग्रामस्थाला गोठ्यातून दुर्गंधी आली म्हणून त्यांनी गोठ्यात डोकावून पाहिले. त्यावेळी बिबट्या मृत अवस्थेत आढळून आला. याची तत्काळ खबर वनविभागाला देण्यात आली. यावेळी वनविभागाचे अधिकारी हे घटनास्थळी दाखल झाले. दोन ते अडीच वर्षाची मादी असून या मादीच्या मृत्यूचे कारण कळू शकले नाही.
