ओळगाव येथे प्रौढाची आत्महत्या

दापोली : तालुक्यामधील ओळगाव शंकरवाडी येथील अनिल मांजरेकर या 48 वर्षीय प्रौढाने आत्महत्या केल्याची घटना शनिवार दि. 16 जुलै रोजी 5:45 वाजण्याच्या सुमारास घडली.
दापोली पोलिसांनी दिलेल्या माहितीनुसार अनिल मांजरेकर हे संध्याकाळी घरातील माळ्यावर गेले होते. घराच्या माळ्यावर नायलॉन दोरीच्या साह्याने गळफास लावून घेतला. याची खबर दापोली पोलीस ठाण्यात लक्ष्मण मांजरेकर यांनी दिली आहे. दापोली पोलिस ठाण्यात आकस्मिक मृत्यू म्हणून नोंद करण्यात आली असून अधिक तपास पोलिस हेडकॉन्स्टेबल अजित गुजर करीत आहेत.

जालगाव :
दापोली तालुक्यामधील जालगाव येथे अल्पवयीन मुलीचा विनयभंग केल्याप्रकरणी दापोली पोलीस स्थानकात गुन्हा दाखल करण्यात आला आहे .
यातील पीडित मुलगी ही अल्पवयीन असल्याने तिच्या अज्ञानाचा गैरफायदा घेऊन तिच्याशी गैरवर्तन करण्याचा प्रयत्न केला तसेच तुझी व्हिडिओ क्लिप व्हायरल करेन अशी धमकी दिली .
पीडित मुलीने सर्व प्रकार पालकांना सांगितल्यानंतर याप्रकरणी दापोली पोलीस स्थानकात पोस्को अंतर्गत गुन्हा दाखल करण्यात आला आहे. याप्रकरणी अधिक तपास पोलीस उपनिरीक्षक एस बी पाटील करीत आहेत.