रत्नागिरी जिल्ह्यातील २,११,४२५ रूग्णांसाठी१०८ रुग्णवाहिका ठरली लाईफ लाईन

रत्नागिरी : राज्याच्या सार्वजनिक आरोग्य विभागाने २६ जानेवारी २०१४ रोजी महाराष्ट्रातील संपूर्ण जनतेला सेवा देण्यासाठी महत्त्वाकांक्षी उपक्रमासह महाराष्ट्र आपत्कालीन वैद्यकीय सेवा (MEMS) सुरू केली.या आपत्कालीन वैद्यकीय सेवेने जून २०२४ या १० वर्षांच्या कालावधीत १,००,००,७८७ आपत्कालीन रुग्णांना दिवसरात्र आरोग्य सेवा दिली आहे. तर रत्नागिरी जिल्ह्यातील २,११,४२५ रूग्णांसाठी लाईफलाईन ठरली आहे. या सेवेने राज्यातील १ कोटीहून अधिक रुग्णांच्या तातडीच्या वैद्यकीय गरजा पूर्ण केल्या आहेत, १०८ ही वैद्यकीय सेवा वेळेवर आणि जीव वाचवणारी जीवनदायिनी ठरली आहे.महाराष्ट्रामध्ये २३३ ॲडव्हान्स लाइफ सपोर्ट (ALS) आणि ७०४ बेसिक लाइफ सपोर्ट रुग्णवाहिका (BLS) अत्याधुनिक रुग्णवाहिका प्रगत वैद्यकीय उपकरणांनी सुसज्ज असलेल्या आणि उच्च प्रशिक्षित कर्मचारी असलेल्या ९३७ रुग्णवाहिकांच्या ताफ्यासह काम करत आहेत. महाराष्ट्र आपत्कालीन वैद्यकीय सेवा, आपत्कालीन वैद्यकीय प्रतिसादात नवीन बेंचमार्क सेट करण्याचे आश्वासन दिले जाते. विशेषत: गंभीर परिस्थितीत रुग्णांपर्यंत जलद पोहोचण्यासाठी शहरी भाग, दुर्गम आणि आदिवासी भाग आणि महामार्ग यांचा समावेश करून ही सेवा २४ तास कार्यरत असते.