सैनिक मुला-मुलींच्या वसतिगृहामध्ये प्रवेश अर्ज स्वीकारण्याची अंतिम तारीख १५ जून

रत्नागिरी, दि.16 (जिमाका): जिल्हा सैनिक कल्याण कार्यालयाच्या अधिपत्याखालील सैनिकी मुला-मुलींच्या वसतिगृहामध्ये सन २०२४-२५ या शैक्षणिक वर्षाकरिता प्रवेश प्रक्रिया सुरु करण्यात येत आहे. प्रवेश पुस्तिकांची विक्री सुरु करण्यात आली असून, प्रवेश अर्ज स्वीकारण्याची अंतिम तारीख १५ जून आहे. सर्व युध्द विधवा / इतर माजी सैनिक विधवा / माजी सैनिक व त्यांची अनाथ पाल्ये यांनी याचा फायदा घ्यावा. शिल्लक राहिलेल्या जागा सामान्य विद्यार्थ्यांना देण्यात येतील. प्रवेश अर्ज संबंधित वसतिगृहात उपलब्ध करण्यात आलेले आहेत, अशी माहिती जिल्हा सैनिक कल्याण अधिकारी यांनी दिली.*विद्यार्थी क्षमता* चिपळूण सैनिकी मुलांचे वसतिगृह- ४० , सैनिकी मुलीचे वसतिगृह- क्षमता ४० आहे.*प्रवेश फी चे दर प्रतिमहा खालील प्रमाणे आहेत**सेवारत सैनिक-* भोजन, निवास व सेवाकरासह- अधिकारी -रु. ३,५००/-, जे.सी.ओ. रु.३,०००/- शिपाई/ एनसीओ ज- रु.२,८००/- असे आहेत.*माजी सैनिक-* भोजन, निवास व सेवाकरासह- (सवलतीचे दर) अधिकारी व ऑननरी रैंक -रु.३,०००/- ,जे.सी.ओ.- रु.२,८००/-,शिपाई / एनसीओज-रु.२,५००/- असे आहेत. युद्ध विधवा, माजी सैनिक विधवा व माजी सैनिक अनाथ पाल्य यांना निःशुल्क आहे. सिव्हिलियन- भोजन, निवास व सेवाकरासह (पूर्णदर)- रु. ३,५००/- प्रवेश फी व्यतिरिक्त अनामत रक्कम रु. १,०००/- आकारण्यात येईल. *वसतिगृह प्रवेशासाठी खालीलप्रमाणे प्राधान्य क्रम देण्यात येईल.* युध्द विधवा / माजी सैनिकांच्या विधवांची सर्व पाल्ये व माजी सैनिकांची अनाथ पाल्ये, पदव्युत्तर (व्यावसायिक, वैद्यकीय, अभियांत्रिकी, व्यावसायिक पदवी, पदव्युत्तर अभ्यासक्रमात शिक्षण घेणारी पाल्ये, बी. एड. डी. एड, पदवी अभ्यासक्रम (गुणवत्ता यादीप्रमाणे),१२ वी, ११ वी व १० वी या क्रमाने (गुणवत्ता यादीप्रमाणे) माजी सैनिकांचे दुसरे व तिसरे पाल्य, सेवारत सैनिकांचे पाल्य, जागा उपलब्ध असलेस सिव्हिलियन पाल्य (संचालकांच्या परवानगीने)अधिक माहितीसाठी- सैनिकी मुलांचे वसतिगृह, चिपळूण-७३८७५५१३४५, सैनिकी मुलींचे वसतिगृह, चिपळूण- ८३९०६७५९०२ यावर संपर्क साधावा.www.konkantoday.com