रेशनिंगचे धान्य घेऊन जाणारा ट्रक नवानगर येथे उलटला
रत्नागिरी : रेशनिंगचे धान्य घेऊन दापोलीत जाणार्‍या ट्रकला नवानगर येथे शनिवारी सकाळी अपघात झाला. या अपघातात ट्रकच्या समोरील भागाचे नुकसान झाले आहे. सुदैवाने चालक यामध्ये बचावला. कैलास सावंत हा चालक आपल्या ताब्यातील ट्रकमधून 21 टन धान्य घेऊन दापोलीच्या दिशेने चालला होता. नवानगर येथे रस्त्यावर गाय आडवी आल्याने तिला वाचवण्याच्या नादात चालकाचा गाडीवरील ताबा सुटल्याने ट्रक गटारात उलटला. यामध्ये टेम्पोचे समोरील भागाचे नुकसान झाले आहे. सुदैवाने यात कोणतीही जीवितहानी झाली नाही.
